عايزة تفرشي غرفة معيشة مودرن بطريقة حلوة
السلام عليكم ورحمة الله وبركاته



ازيكم يا بنات يا حلوين ؟


انا بعشق الديكور وتنسيقه وخااااصة الموردن

وفي بنات كتير هتتجوز قريب ان شاء الله ربنا يتملهم على خير

غرف ليفنج مودرن

وكورنرات وافكار لغرف الجلوس بوجه عام

النهارده حبيت اوريكم شوية حاجات ولفيت بقدر الأمكان علشان

اجيبلكم احسن الحاجات على قد ما اقدر

يمكن احنا ف المجتمع العربي شوية بنحب العادات والتقاليد

وبيكون مش سهل اننا نعمل حاجات مودرن او زى اللى بره

انا جبتلكم شوية غرف طبعاً الفكرة مش نعملها فوتوكوبي

علشان محدش يقول ازاى هننفذ الحاجات دي لكن الفكرة اننا

ممكن ناخد من كل صورة فكرة تناسبنا ونجمعها ف حاجة مناسبة لينت

ويارب الموضوع يعجبكم ..


***



يلا نبدأ












ومعظم اللى لقيته بالأستيل ده وهو الجلد وشكله مش لطيف بالمرة

يشبه الموجود ف مكاتب المحاماة او العيادات وده اشيك واحد لقيته

بس من رأيي حتى لو كنتى من محبي اللون الأسود او الغوامق

ابعدي عن الأسود لأنه عروسة مهما كان

وطبعاً زي ما احنا شايفين ف الصورة انسب لون يلائم الأسود

هو تضاده اللون الأبيض واكيد شيك طبعاً بش انا مش حبيته بصراحة

بس عجبني جداً المخدة اللى تشبه الريش



***
















ده معقول لونه مش اسود قاتم وكمان مش جلد

كمان لو تلاحظوا ان وجود اللون الابيض مع الاسود

بيظهر اوى التضاد بينهم وبيبّين اللون الأسود قاتم اوى

هنا اللون مش قاتم اوى وف نفس الوقت غيّر واستخدم البيج

ف طريقة الجدار الرئعة

والجدار الرمادي اللى خلفه

كمان الباركية حلو اوى والسجاده

ونلاحظ ان دايماً الأحمر بيدخل بشكل اساسي مع الاسود

الترابيزات طبعاً كالعادة هايلة


***

















ده ستايل تانى مش حلو

بس انا بوري البنات اللى بيحبوا اللون الأسود


بس نفس اعرف اللى على الارض ده قرد ولا قطة ولا ايه بالظبط



***

















ده معقول شوية لنه عمل ميكس بين الأسود والبيج

بس المشكلة انه برضه جلد


***


















ده حلو شوية

بس اعتقد لو غيرنا الجلد بحاجة تانية او لون تانى مش هيناسب اوى

يعني ممكن يمشى مع الغوامق

عجباني الاباجورة جداً



***

















الصورة بعيدة بس معتقدش انه جلد

بس تقليدي جداً ومش فيه اى حاجة جديدة


***


















ده برضه حلو شوية مع انه يبدو انه شامووه يعني مش عملي خالص

بس الاسود مع اللبني حلو والابيض الكريمي

والاكسسوارز بلون اغمق شوية من الكريمي وافتح من الكاكاوي

حلوة اوى الاكسسوارز





***

















طبعاً ده استيل مودرن اوفر شوية

بس حبيت اعرضه لأنه اسود برضه

بس الحلو فيه انه ممكن يتعمل ككورنر مش كانتريه مستقل بنفسه

وكمان داخل معاه هنا الحمر والأبيض بشكل شيك بس

برضه تحسوا انه ناقصه شوية حركات تعمل فيه حياة




***
















ده نموذج للون الغامق

وطبعاً مكون هنا من الوان البحر او تدرجات اللون الأزرق

وممكن ناخد من الصورة دي فكرة الترابيزة الدائرية جديدة وغير تقليدية

***


















عاجبني هنا اوى اللون وهو نموذج غامق برضه

وعاجبني اكتر الشال المرمي على الكنبة بجد الاستيل ده شوفته كتير


كمان الترابيزة فيها مستويين وبطريقة جديدة خالص شيك جداً


***
















العكس تماماً لون ابيض ومخدات سوداء

وده نوع من انواع الجلد وده الاستيل الجديد واحدث حاجة ف المودرن

وطبعاً داخل معاهم الأحمر بس الغامق

الترابيزتين حلوين جداً جداً واحده بالأسود والتانية الأحمر مع الأبيض

حاجة بجد شيك موت

وطبعاً لازم ف الوقت ده ميخدلش الوان تانية اكتر من كده

يعنى لو لاحظنا ان معظم الديكورات المحيطه داخل فيها الأسود

والأبيض والأحمر ممكن بتدريجات مختلفة حتى لو حطينا لون بني

غامص زي لون ترابيزة الطعام بس مينفعش يكون فى لون فاتح خالص


***
















ده عاجبني اوى

يمكن تستغربوا شوية

بس الفكرة اللى حبيت اقدمها هنا هى لو المكان صغير

يعني بجد المكان هنا صغير جداً طويل بس مش عريض

ازاى نستغل المكان ؟

دخل التلفزيون ف الحائط ..الترابيزة نوعاً ما مش عريضة ومش فيها شغل

وده مناسب لضيق المكان جداً

وكمان لون الحوائط فاتح علشان يوسع شوية مع الشباك والضوء هتعمل

مساحة ف المكان .. كمان لو الانتريه نفسه فاتح علشان يوسع اكتر

***















عاجبني هنا تداخل الألوان

الأنديجو ف الحواشط .. البيج ف الأنترية .. البني الفتح او العسلي

ف الباركية وكمان تداخلات ف السجاد

يمكن انترية بسيط بس عاجبني التنسيق بتاعه

الاباجورة كمان جديدة وجميلة واستبدال ايد الانترية بطريقة ممتدة كترابيزة

شيك جداً


***














ده كمان مختلف خالص

يمكن هو ابيض ومش عملي خالص لكنه عجبني قولت تشوفوه معايا

طبعاً ده خيزران وده بيكون غالي جداً لأنه اكيد هاند ميد

الأبيض مع البني بدرجاته حلو اوى والترابيزات جميلة



***















ده يخض شوية لأن المساحه كبيرة

بس الألوان فيه حلوة اوي تحسوا فيه بالدفأ

نظام الانترية هاااااايل يشبه القعدات العربي بس على موردن

عاجبني كمان المكتبة ف مقدمة الصورة

حلوة وجديدة وتحسوا انها بترجعنا لحاجات زمان وده الموضة برضه


***













ده برضه هاااااااااااااااااايل جداً

شوفوا الستاير على الحائط حلوة اوى وجديدة

اللون الزيتي مع الأورانج الهادي كمان مع تدرجات البني قمة الشياكة

بسيط جداً وممكن ينفع لكورنر رقيق

الترابيزات هايلة جداً كلها جديدة وشيك وتنفع لأغراض كتير


***
















ده هااااااايل بجد

الرمادي مع اللموني او الفسفوري ده هاااااااااايل

رغم ان اللموني لون مشع إلا ان الاستيل كله على بعضه حاسه فيه بالهدوء

لأنى بعشق اللون الرمادي ويمكن الأحمر هنا علشان يكسر الهدوء ده

التصميم على الجدار الخلفي حلو اوى


احلى تصميم شوفته ده



***















زى ما انا ضد الاسود برضه ضد الابيض لأنه مش عملي خالص

رغم ان الاتنين الوان قمة ف الشياكة

لكن هنا الغرض من عرض الصورة هو استغلال المساحة

يبدو انها مش كبيرة

المكتبة والخزانة اللى تحت الشباك اللى ممكن تبقى قاعدة رومانسية تحفة

قاعدة سينجل يعني مش كابل


***















دي فكرة كورنر حلوة

المكان تقريباً زي كورنر مش كبير يعني خلف الصالة مثلاً

ممكن بدل عدم استغلاله يتعمل ركنه جميلة خاصة انه جمب شباك

الخيزران هايل مع الوان الربيع شكله رقيق وهادي


***
















هنا يمكن في زحمة الوان

اصفر .. لموني .. لبني بس عسولين خالص مع بعض

بس انا مبحبش استيل كل حائظ لون يعني كفاية لونين اوى

الانتريه رغم انه فاتح لكنه عملي لأنه مضلع ومش بيبان فيه اوى

شكله حلو اوى


***












ده شيك اوي وفخم

الأسود الجلد مع الشامووه النبيتي او العنبي

شكله ينفع لنتريه فخم اكتر من ليفنج روم


***













ده بسيط اوى ورقيق

بيثبت اللموني عن جدارة انه لون هايل لما بيدخل مع اى لون

رغم انى مبحبوش اوي بس مع البيج بجد تحفة وبيوحي بالهدوء


***
















اللون الأورانج هنا حلو اوى

استيل المنبة رقيق خالص وده يناسب كورنر بسيط

اللون الابيض برضه بيثبت انه لون هايل للحوائط بس صعب

لأنه مش عملي على الاطلاق

الترابيزة تصميمها هايل وجديد


***





















حلو التصميم ده رغم انى حاسه فيه بزحمة

بس ممكن مع ازالة اللوحة اللى على الارض دي

رغم انها فكرة جديدة بس مش عملية ولا مناسبة لبيوتنا

يعني اللبني مع الابيض والبني حلو اوى

الكنبة عجباني وبفكر انفذها عندي ان شاء الله

والمخدات الكتير الملونة الوان مختلفة طبعاً عارفين انها موضة اوي

























الصورة دي عايزة اوريكوا فيها الكنببببببة

الكنبة دى هايلة

لو تلاحظوا هو مش باين اوى بس دققوا كده

الكنبة ليها إطار خشبي عبارة عن مكتبة صغيرة

مقسمة أرفف حلوة اوى

شوفتها وكانت محطوطة ف مساحة مش واسعة

زي ده واعتقد كده يكون استخدمها احسن علشان توفر مساحة

حلوة اوى بجد