شرح موقع تويتر الصفحه الرئيسيه + كيف اغرد + الصفحه الشخصيه وقوائمها

شرح موقع تويتر الصفحه الرئيسيه + كيف اغرد + الصفحه الشخصيه وقوائمها



.
.


السلام عليكم ورحمة الله وبركاته []

.
.
.

اليوم حبيت اشرح لكم الصفحه الرئيسيه وشنو فيها ومن شنو تتكون و شنو هي التغريده الفارغه والتغريده المكتوب فيها والقوائم الموجوده بالصفحه الشخصيه []

اللحين اخليكم مع الشرح وبسم الله نبدأ []
.
.

الصفحة الرئيسية Home آو ما يسمى بـ الخط الزمني Timeline
ندخل عليها من آعلى الصفحة من عند كلمة Home مثل الصورة ..


الصفحة الرئيسية تحتوي على كل التغريدات اللي يكتبها الاشخاص اللي نتابعهم
يعني مثلآ آنا متابعة 106 اشخاص ..
فكل تغريداتهم تطلع عندي بالتآيم لآين اللي انا حاطه عليه لون البرتقالي ..
وفوقه مكتوب new tweets 26 حاطه عليه لون ارزق غامق هذي التويتات الجديده عشان اشوفها وتطلع لي اضغط عليها ..
وتحت الاسم والصوره كلمة tweets وفوقها مكتوب 273 هذي عدد التغريدات اللي انا غردتها اللي حاطه عليها باللون البنفسجي ..
وجنبها مكتوب following وفوقها مكتوب 106 هذولي عدد الاشخاص اللي انا اتابعهم اللي حاطه عليها باللون الاحمر ..
وجنبها مكتوب followers وفوقها مكتوب 29 هذولي الاشخاص اللي يتابعوني انا واللي حاطه عليها باللون الوردي ..
الصفحة تحتوي على نافذة التغريد على الجهة اليسار اللي حاطه عليه لون اصفر ..
ومن تحت التغريدة آشخاص يقترحهم عليك تويتر حتى تتابعهم اللي حاطه عليها باللون الاخضر ..
وتحتها آشهر التراندات العالمية حالياً اللي حاطه عليها باللون الازرق ..

،,


كيف آغرد ؟!


من نافذة التغريد تحت الآسم مثل مو واضح بالصوره ..



آو من آعلى الصفحة من العلامة الزرقاء < مو مبين اللون الازرق لاني حاطه عليه بالاحمر عشان تنتبهون له بآخر الجزء اليمين ،، فآئدة استخدام هالعلامة آنه يمدينا نغرد حتى لو كنا مو فاتحين ع التآيم لآين سوآء بصفحة التواصل آو آي هاشتاق فاتحين عليه ...الخ
مثل مو مبين معاي بالصوره ..




،,




على ماذا تحتوي التغريدة الفارغة ؟!



اذا جينا نغرد نكتب فقط بحدود 140 حرف فقط ..
مثل ما تشوفون آنا كتبت منتديات هبال قايز < طبعا حتى المسافه بين كلمه وكلمه تنحسب على انها حرف
حطيت لكم الوان الطيف عشان يسهل استيعاب اللي بقوله :
اللون البرتقالي : من العلامه هذي نقدرنضيف صورة للتغريدة،،نحملها من الجهاز او الجوال ..
اللون الاحمر : نقدر نضيف الموقع الجغرافي اللي هو اللوكيشن ..
اللون الاخضر:عدد الحروف المتبقية لنا ..
اللون الوردي: نشر التغريدة Tweet ..

،,


التغريدة المكتوبة بالتايم لآين على ماذا تحتوي ؟!



هآذي تغريدة أ.د. طارق الحبيب .. محتوية على كل الآضافات ..
اللون الازرق: التغريدة اللي كتبها صاحب الحساب ..
اللون الاحمر:عدد المرات اللي تم فيها اعادة نشر التويته من قبل مغردين في تويتر ..
اللون الاصفر: عدد الاضافات للمفضلة،،الاشخاص اللي حطوها بمفضلتهم في تويتر ..
اللون الاخضر: الرد على التغريدة Replay ..
اللون البنفسجي: آعادة نشر التغريدة Retweet ..
اللون البرتقالي: اضافة للمفضلة Favorite ..

،,


الآشعارات آو التواصل آو المنشن آو Connect .. كلها نفس المعنى
اللي هو التفاعل مع تغريداتك في تويتر من قبل المغردين الآخرين ..

من آعلى الصفحة ندخل على الخيار الثآني Connect حاطه عليه باللون الاحمر نلآقي صفحة شبيهة بالرئيسية .. بس في آختلاف بالمحتوى ..



على الجهة اليسرى منها راح نشوف الخيارين هذولا تحت بعض مثل مو واضح بالصوره ..



- التفاعلات Interactions ..
- الآشارات Mentions ..

التفاعلات تظهر لك الردود على تغريداتك .. من قبل المغردين الآخرين
سواء كان متابعين لك آو غير متابعين ( في حالة آذا صفحتك مفتوحة للكل )




مثل ما آنتوا ملاحظين بالصوره اللي فوق .. كلها الصفحة كانت ردود اللي هي Replay على تغريداتي ويظهر تحت التغريدة آذا هي رداً على تغريدة سابقة لي آو كتبتها لي مباشرة بصفحتي ..




على عكس المنشن يكون هنا جامع ما بين الآشارات مثل الريتويت والفيفورت والريبلي ..

،,




- اللحين راح ندخل عل الصفحه الشخصيه ونشوف محتواها ..


نلقي نظرة على الشكل العام للصفحة الشخصية ..



على الجهة اليسار تحت الاسم والصورة الشخصية موجودة 6 خآنات ..

اللون الاصفر: التغريدات Tweet ..
وفيها كل تغريدات الخاصة فيني + التغريدات اللي سوينا لها رتويت ..

اللون البرتقالي: المُتابِعون Follower ..
وهي الحسابات اللي تقوم بمتابعتي شخصياً ..

اللون الاحمر:المُتابَعون Following ..
وهي الحسابات اللي انا اتابعها ..

اللون الاخضر: المفضله Favorites ..
الكل يعرف شنو يعني في المفضله يكون ..

اللون الازرق: القوآئـم Lists ..
وراح اتكلم عنها بشكل مبسط ..

،,


لنفرض اني اتابع مجموعه كبيره من الاشخاص .. ولهم ميول مختلفة آو تحت تصنيفات مختلفة..
وبيوم جيت آرجع لتغريدات احدهم ،،بدال ما آحوس في الفلوينق تظهر هنا فائدة القوائم



هذا شكل القوائم عندي ،، طبعاً الصورة عندي فيها قائمتين ..
كل قائمة يظهر تحتها عدد الحسابات اللي آضفتها فيهم مثلا الاولى عندي 8 فيها ،،
والقائمه الثانيه فيها 2 ..

،,


طيب لو آنا جديدة على سالفة القوائم وودي ارتب قوائم خاصة فيني،،كيف انشأها ..؟؟!
وكيف نضيف لها الحسابات اللي نبيها ..؟؟!

اضغط آولاً على آنشاء قائمة Create list وتنفتح لنا النافذة اللي مبينه بالصوره ..



آنشاء قائمة جديدة :

اللون الاحمر: اسم القائمة List name ..
كتابة آسم للقائمة سواء بالعربي آو الانجليزي ( اساسي )

اللون الاخضر: الوصـف Description ..
اضافة وصف مبسط للقائمة ( آختياري )

اللون الاصفر: الخصوصية Privacy ..
آذا كنا نبي قوائمنا عامة نختار عام Public ..
وآذا ما نبي احد يشوفها نخليها خاص Private ..

اللون البرتقالي: حفظ القائمة Save list ..

،,


كيف آضيف الحسابات للقائمة المختارة ..؟؟!

نروح لآي حساب نبي نضيفه للقائمه ،، لنفرض آني دخلت الفولوينق ..
مقايل كل آسم حساب موجود مربع صغير فيه شكل شخص مع سهم مثل مو مبين بالصوره ..



نضغط على السهم وتنفتح لنا قائمة منسدلة نختار ثاني واحيانا يكون ثالث خيار ،،
آضافة آو حذف من القوائم Add or remove from lists ..

تنفتح لنا النافذة تحتوي على اسماء القوائم اللي سويتها انا مثل مو واضح معي بالصوره ..



لان الحساب اللي اخترته يخص البزنس اخترت قائمة Business ..
لاحظتوا انه فيه قفل جنبها لاني حاطتها خاص مااحد يقدر يشوفها ،،
بس لو حطيتها عام ماراح يطلع القفل جنب اسم القائمه ..



وبكذا اكون انتهيت من الشرح وباذن الله يكون حلو و واضح للكل ..