ذهب الليل طلع الفجر محمد فوزى
ذهب الليل

ذهب الليل وطلع الفجر والعصفور سوسو
شاف القطة قالها بسبس قالتله نونو
***

ماما قالتله سيب القطة وخليها فى حالها
ساب مدرسته ورمى كراسته وراح جر شكلها
راحت القطة مخربشة ايده لما مسك ديلها
وادى جزاة اللى مايسمعش كلمة ماما تقولها
***
ذهب الليل وطلع الفجر والعصفور سوسو
شاف القطة قالها بسبس قالتله نونو
***
ابله قالت لي فيفي الحلوة زعلت من سوسو
راح يصالحها وباسها وهى حلفت ما تبوسة
جابت الحبر وعصرت ايدها وجت بشويش جانبه
مسحت ايدها فى وشه وعملت قال ايه بتلاعبه
سوسو ضربها ومسك الحبر اللى فى ايدها وقلبه
على فستانها وشافهم بابا ضربها وضربه
***

ذهب الليل وطلع الفجر والعصفور سوسو
شاف القطة قالها بسبس قالتله نونو
***

ندر عليا لاجيلكم واولع شمعة من شمعة
لحد الشبر ونص ما يكبر ويروح الجامعة
ميدو دكتور وسعاد دكتورة واحنا ندعيلهم
وحسام يبقى محامي وتوتو قاضي يصالحهم
واحمد بكرة هيبقى ظابط ويدافع عنهم
يفدي وادي النيل بحياته وحياته منكم
***

ذهب الليل وطلع الفجر والعصفور سوسو
شاف القطة قالها بسبس قالتله نونو
***